Дона лыддьысьысьяс, корам тoдмасьны выль небoгoн!

«Медводдза муслун» - тадзи шусьo oтувъя небoг, коді петiс 2007-oд воын «Полиграф-сервисын», а дасьтiс сійoс Анжелика Елфимова. Татчo пырисны миян республикаса уна сикас районысь дас oти енбиа том гижысьлoн кывбуръясныс да висьтъясныс.
Любовь Ануфриева чужлoма Изьва районса Гам грездын, велoдчo Сыктывкарса университетын филология факультетын. Сылoн тайo небoгас пырисны неыджыд кывбуръяс.
Оля Баженова - Емдiн районса Кожмудор сиктысь, сизимoд классoдз велoдчoма Туискерoсса школаын, oнi - искусство гимназияын.
Андрей Власов ачыс Войвожысь, том авторлoн тайo небoгас пыртoма «Динозавр кольк» висьт.
Юлия Нефёдова чужлoма Емдiн районса От сиктын, велoдчo Сыктывкарса университетын филология факультетын. Медся ёна радейтo гижны кывбуръяс, серпасасьны да видзoдны кодзула енэжo.
Артур Уляшев олo Помoсдін сиктбердса Выльгорт грездын, велoдчo Сыктывкарса университетын филология факультетын. Кывбуръяссo гижo важoнкодь нин, серпасалo вoр-ва, петкoдлo сылысь мичсo. 
Евгений Мартынов чужлoма да олo Сыктывдiн районса Лoзым сиктын, уджалo школаын. Медводдза кывбуръяссo гижлoма рочoн, но чужан кывйыс кыскoма. Тoдмасьoй сылoнкывбуръясысь oтиoн:
Коми пывсян,
Ылoдз кывсян-нималан.
Буссo-няйтсo,
Мудзтo, шогтo иналан.
Гортад локтан,
Тшайтo пуктан, кыдзи век,
Румка вина,
Пывсьoм бoрад абу грек.
Сэсся рытбыд пызан сайын
Пукалан.
Коркo кадo небыд юрлoс
Люкалан.
Чoскыд унтo, югыд вoттo
Нем оз торк.
Асывводзнас чеччан-мыссян –
Бара морт.

А мукoд авторыскoд Ті тoдмасянныд асьныд. Лыддьысьoй сьoлoмсяньныд! Став бурсo!